الرئيسيةالبوابةمركز الرفعالتسجيلدخول

شاطر | 
 

 قصه سندريللا باللهجه العراقيه فوووووووووووووت

اذهب الى الأسفل 
كاتب الموضوعرسالة
RED ROSE
عضو نشيط
عضو نشيط
avatar

انثى عدد الرسائل : 166
العمر : 25
المهنة : طالبه
البلد : العراق
المزاج :
الوسام :
تاريخ التسجيل : 22/06/2008

مُساهمةموضوع: قصه سندريللا باللهجه العراقيه فوووووووووووووت   الأربعاء يوليو 16, 2008 3:04 pm

اليوم احجيلكم قصه السندريلا العراقيه ونبدي يا الله كان ياما كان في عتيك الزمان
جان اكو بنية
اسمها سندريلا خوش حاتة اصيلة و علمودها غنى حسام الرسام الاغنية مال العكربة
,,,المهم جان عدها مرت اب كلش خبيثة و جانت تشتغل وية الامريكان مترجمة
و ابوها خطية يبيع قوايش مبردات حجم 1100 بعكد النصارى ومرات يبيع
شخاط فلّ بس هو خوش زلمه من اهل الاول ... و جانو الكل سايكين على سندرلا خطية
روحي سوي الجوزة مال المولد فصلت ,,,
روحي اوكفي سرة على الغاز,,,
روحي لابو المحل ابراس الفرع اشتري شحاطات لخواتج
(اللي همة جانو 3 خوات بس من غير اب هم خبيثات للهامة
),,,
روحي شلعي الشتايكر مال السطح و رجعية مرة لخ,,
روحي جيبي لفات فلافل مشي,,
روحي بدلي الدهن مال المولدة الاقصى كامت اتعفط
...
و هاي خطية جانت كلش
حبااابة و تروح ولا تفتح حلكها بس من جواها جان التقسيم مشتغل
المهم,,,,,الى أن يوم من الايام
جانت دا تصعد ماي بجليكان ابو ال 20 الماي ضعيف و الماطور ما يصعد
لان ماكو كهرباء لكت بالطرمة فانوس بس شنوو مزنجر و عتيك عبالك جان
بدوائر الدولة و تحوسم جتي عليه فركتة و كرررب كام يطلع دخان سندريلا
انرعصت و رجعت خطوتين للخلف بسبب
المفاجأة
شنو هال دخان هذا ؟ الدخان شوية شوية اتحول الى جني
لابس دريس مال برشلونة و بوتين اديداز وسوار ذهب و حاط معطر
freedom for men
و كللها:-
-شبيك لبيك عبدك بين ايديك انا الجني رامي من العرصات
شتريدين اسويلج بس عالسريع لأن ماما دكتلي مسكول لازم ارجع
كالتله
-عمو جني اريد كهرباء وطنيه 24 ساعة ممكن؟
-ولج بابا هوة اني ساحب واير 5 امبير من مولد للفانوس
شلون اجيبلج وطنيه 24 ساعة؟ شنو جني لو وزير الكهرباء؟
-زين عمو عمو اريد قنينة مال غاز متروسة لأن معوزين كلش .....
-ولج عمو شنو هال حجي؟ ولج انتي شكد فكرية.. اكو
واحد يطلب من جني قنينة مال غاز؟ شايفتني رابط الفانوس عال حصان؟
-عمو عمو لعد شتكدر تسويلي؟
-باعي عمو انتي
بعدج اصغيرة و محرومة و الامير راح يسوي حفلة و ادري عائلتج
راح تروح شنو رايج لو اخليج تروحين و تتونسين؟ احتمال تطلعين
ابصاية و ***اية لأن الشرقية هم دا تصور هناك حفلة طاكة
- زين شلون اروح عمو؟نفرات لو كيا؟
-بابة معليج هسة غمضي عينج.... سندرلا غمضت عينها (و من الغريب يا جماعة
انه اول ما غمضت عينها ما كامت اتشوف و هذا الشي محد لكالة
تفسير لي هسة ) و كررررب شافت سندرللا نفسها لابسة تنورة
كصيرة و بدي و حذاء مفتوح يعني طلعت حااتة مو طبيعيه
و كللها الحلفة اقصد الحفلة تخلص بال 8 و نص
علمود منع التجوال و كل هاي الهدوم راح توكع و الحذاء و الميك اب و
كلشي راح يختفي اذا عبرت ال 8 و نص و احتمال تنعلسين بالطريق
-حاضر عمو شكرااااااااااااااااااااااا(هاي شكرا الطويلة مال الزعاطيط)
وصلت سندرللا البيت الامير جان مسوي حفلة
لان طلع 77 بالسادس راح يروح كلية اهلية احتمال او طب بيطري بعد ما اعرف
و الحفلة جان بيها نجود و سمراء و ساجدة عبيد(كلة هجع و عالكة) و
سهام السبتي هم جانت موجودة و الامير شاد الرباط علة راسة و مقندل و
صاير طلي و ردح لليافوخ و فجأة الامير صاد سندريلا و عجبته و كابلها
جتف ساعتين و ساندرللا نست روحها و نست الكراب و السراوات و
البهذلة و نزلت ردح الى ان صارت 8 و نص ......واللهّّّّ انلاصت
اتذكرت الوصية مال رامي الجني و كالت لازم اشطح و ركضتلك عال
سريع جنها برازيلي هس توها مجفتة و الامير وراها
:
-وج تعاااي شبيج تخبلتي؟مو دا احاجيج
؟؟؟ وين امولية ؟؟؟ فضيلة(هلكد ما سكران نسة اسمها)
المهم ركضت سندريلا و كررب وكع الحذاء مالتها بلا ما تدري
جان الامير يشيل الحذاء و لزمة و ضل صافن عالعالم اللي
انتبهوا عال لقطة و كامو ايباوعون عليه الامير بقة شايل الحذاء و
مصدوم و صورة سندرللا
الحلوة ببالة,,, الحفلة توقفت طبعا و العالم سكتت من المفاجأة
جان يباوع الامير عالعالم ....صنطة.......
و كال للناس :
الشركة العامة للصناعات الجلدية - فخر الصناعة الوطنية العراقية
خبرة وتميز في مجال المصنوعات الجلدية من الاحذية والحقائب بارقى المواد
هههههههههههههههههههه ودمتم سالمين...انتظر ردودكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dandon
عضو جديد
عضو جديد
avatar

انثى عدد الرسائل : 3
العمر : 25
المهنة : طالبة
البلد : iraq
تاريخ التسجيل : 15/07/2008

مُساهمةموضوع: رد: قصه سندريللا باللهجه العراقيه فوووووووووووووت   الخميس يوليو 17, 2008 4:14 pm

مشكورة على هالقصة الحلوة والله منورة المنتدى شكرا لك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
عضو نشيط
عضو نشيط
avatar

انثى عدد الرسائل : 207
العمر : 25
المهنة : طالبة
البلد : Iraq
المزاج :
تاريخ التسجيل : 14/05/2008

مُساهمةموضوع: رد: قصه سندريللا باللهجه العراقيه فوووووووووووووت   الخميس يوليو 17, 2008 10:32 pm

هههههه قصة تخبل ننتظر جديدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE PRINCES
عضو
عضو
avatar

انثى عدد الرسائل : 26
العمر : 25
المهنة : طالبة
البلد : عراق
تاريخ التسجيل : 23/06/2008

مُساهمةموضوع: رد: قصه سندريللا باللهجه العراقيه فوووووووووووووت   الجمعة يوليو 25, 2008 4:44 pm

حلوة مرةةةةةةةةةةةةةةةةةةةةةةة تحية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصه سندريللا باللهجه العراقيه فوووووووووووووت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بقرة :: منوعات :: استراحة المنتديات-
انتقل الى: